lundi 7 mai 2012

وين ماشيين22؟؟؟ أو وجهك يشبه

وين ماشيين؟؟؟؟ أو وجهك يشبه

يحكيو ناس تو، أنو مجموعة من الناس مجموعين في جمع
فقال الأول للثاني: وجهك يشبه المعصية عافانا الله
قال الثاني للأول: وأنت وجهك يشبه نهار الجمعة كان العطش أو المرشي نوار
وكادت تندلع معركة فوقف واحد من الجماعة وقال هذا وجهي مباح هاتوا تشبيهاتكم.
قال أحد التلاميذ: وجهك يشبه فوسكة لا علاقة  بالامتحان
قال الموظف: وجهك يشبه عشية أحد ويوم الاثنين
قال صاحب المقهى: وجهك يشبه جيب كاس ماء وبزايد حليب في الكابوسان
قال الحماص: وجهك يشبه أعطيني سيقارو كريستال والفلوس ناقصين 10فرنك وهات نشعّل
وهنا التفت أحدهم لامرأة وقال لها: وجهك يشبه طلع الصباح قومو نندبو
قالت له: وجهك يشبه إسهال في توالات ما فيهاش ماء
قال الذي طلب منهم تشبيه وجهه: قلت وجهي مباح لا وجوه الآخرين
قال شيخ: اذهب وجه يخملك. تي مازال في وجهك ما يتقال؟ أما أكيد أنك من الراكبين على الثورة متعود بالبخص والرخص عامل فيها أكبر من النقد يا قرد
انتهت حكاية الجماعة وحكاية صاحبنا لا تزال قائمة بعد أن خلا بنفسه وعدّل ربطة العنق وهو يدفع صك البنزين وقد فاضت به سيارته الإدارية.
حكايته أنّه يجب أن يحافظ على النظام المؤقت وأن يحافظ على الحوافز التي يتحصل عليها وأن يحافظ خاصة على "سمعته" فقريبا تُصرف صكوك الموالات لكنّ "أولاد الحرام / الحلال" عارفين فاهمين مشلقين. ووين ماشيين؟؟؟؟



3 التعليقات:

ولد الرجال a dit…

نم يا ولدي نم،
أرقد وأخطاك من وجوه الهم،
نم يا ولدي نم،
هاذي بلاد كيف النم،


نم يا ولدي نم،
أما خير ولا تهبل وتخرج عريان قلم
بعد إلّي العيشة ولاّت عدم،

نم يا ولدي نم،
نم وخلّي عندك خشم،

bacchus a dit…

@ولد الرجال
http://mondasvr.blogspot.com/2012/05/nam.html
هذا رابط ما كتبت أيها الغريب
شكرا على التواصل

ولد الرجال a dit…

خويا ما عندي حتى قصد إساءة بتعليقي هو مجرد مواصلة من النقطة إلى وقفت عندها إنتي و لو فيها أعادة لما كتبت على مدونتي

آسف على الأزعاج
:)

Enregistrer un commentaire