mardi 27 mai 2014

هلوسات تونسية 10

 
     هلوسات تونسية 10


v   يوم الاثنين تصدر المحكمة الابتدائية قرارا بحل رابطات حماية الثورة وفي اليوم الموالي أي يوم الثلاثاء يقع إطلاق سراح رئيس "رجال حماية الثورة بالكرمعماد دغيج.

v   الاتحاد العام التونسي للشغل عرّاب اللجنة الرباعية وتنصيب حكومة التكنوقراط من أجل (إنقاذ) البلاد. يقف ضدّ قرارها المتعلق بالزيادة في الأسعار. ألم يكن هذا شروطا من شروط الاتحاد المدافع عن الطبقة الشغيلة حين فعل ما فعله زمن المفاوضات في الحوار الوطني؟

v   حمة الهمامي يعلن انسحاب الجبهة الشعبية من الحوار الاقتصادي كما كانت الجبهة قد انسحبت سابقا من الحوار الوطني. أيّهما الأفضل الانسحاب وترك الفراغ (ليرتع) الآخرون كما أرادوا أم البقاء والتصدي والدفاع عن القناعات؟؟؟؟؟

v   العديد من أبناء الشعب التونسي يقرر مقاطعة تونيزيانا من أجل تغيير اسمها إلى "أريد" وكأنّ الاسم وحده ما يهمّ وكأنّ الأموال التي تحوّل إلى قطر كانت تبقى في تونس زمن كان اسمها تونيزيانا.

v   وزارة الثقافة تمنح متحف باردو جوهرة المتاحف التونسية والذي يلخّص آلاف السنوات من الهوية لتحتفل فيه تونيزيانا بشطب اسم تونس من شعارها (تونيزيانا) بسبب قرار رأس المال لدويلة عمرها قرابة الثلاثين سنة فقط.

v   وزير الثقافة معيّن لتصريف الأعمال لمدّة بضعة أشهر صار يتخذ قرارات تلزم الأجيال القادمة بها وذلك بتأجير المواقع الأثرية للخواص مدّة تتراوح من 25 إلى 50 سنة.

v   رئيس الجمهورية لا يغضب من جهله المبطن حين يقول حاكم قطر أنّه يعلّمه البروتوكول وينعت السيد الرئيس أبناء شعبه بالجهل حين يقولون أنّهم سيذهبون إلى افريقيا مخرجا الكلمة عن سياقها.

v   الشعب التونسي ينفذ قرارات حكومة لا يعرف شيئا عن وزرائها بل لا يحفظ حتى نصف أسمائهم.

v   وزارة التربية تؤكد أنّ امتحانات الباكالوريا لن تتسرب هذا العام ويلغى أول اختبار (اختبار الإعلامية) بسبب تسرب هذا الامتحان.

v   وزارة الداخلية ووزارة العدل اليد في اليد لمحاكمة الشباب الذين شاركوا في الثورة.

v   يبدو أنّ الأمن استعاد عافيته جدا جدا بعد حملة نسمة لتجميع الأموال من المواطنين في حملة "حماة الوطن" حتى "يستعيد الأمن عافيته" .

v   وزارة المالية صار اسمها وزارة تعديل الأسعار فحين يتحدث المسؤولون فيها لا يفصحون سوى عن ميزان الدفوعات والعجز ولكنّهم يغضون البصر عن مداخيل الدولة القارة وغير القارة (جعل الله غضّ بصرها في ميزان حسناتها)
ويبارك في ترابك يا تونس

mercredi 19 mars 2014

أمثال تونسية


   أمثال تونسية

         من أقوال ناس بكري


           ·         رد بالك مالسّكبان.. يحرّش القطوس ويبكي مع الفيران 
  • الحنضلة ما تولي تفاحة والخرشي ما تبان فيه ملاحة
          ·         الزمان تعكس الورد تقلع والبصل تغرس
  • الجرح يبرى يا صبرة وتغطيه الضميدة وكلمة السوء يا صبرة تمسّي وتصبح جديدة
         ·         دار خًر طُر تدقّ الباب يحلّوك الكل
         ·         في الزمان المعكوس، الذنابي تولّي روس، ويسكت المنيار ويتكلّم الخنفوس
         ·         فاش تمضغ يا جدّة؟ في علكة عامنوّل
         ·         فارعني كي نكبر وما تبكيش عليا كي نموت
         ·         قالو شنوه اللي دخلك في الحيط يا مسمار قالو من الهم اللي وريا
         ·         كنت بالهم القديم راضي، جاني الجديد زاد أمراضي
         ·         لو تلبس من الذهب صريمة ما نراك كان بالعين القديمة
  • لا ترخص نفسك لمن يذلها ولا تشرب مالنقيع تموت والدار اللي ما تعجبك بدل غيرها لو كان حجرها ياقوت
  • كنت حاسبك حجرة المرجان يصنعو بيك البريام طلعت حجرة الوديان تمشي فوقك البهايم
 ويحكيو على طير البرني اللي تزوج بومه ووصّاها باش ما تصيحش وقت يرقد في ليلة ومزال كيف رقد  صاحت تفجع وطاح في قاع البير تكسر جناحو قال (وكلتك من لحم الغصوبي وسكنتك في بير نزاح وصيتك على الفعل الدوني وأنت مجدده الصياح اللي يتبع طنج غير طنجو يستاهل تكسير الجناح.

jeudi 20 février 2014

تغريدات محشوة بالمصائب المفرومة

   

     تغريدات محشوّة بالمصائب المفرومة

      هنا الخضراء حيث يبكي الخروف على الظروف والسّلام شكون يعرف شنوة ثمة القدام
                                 
                                        *********
     في الخضراء رئيس أنساه الكرسي أن يقرأ ما تيسّر من الواجبات وأن ينظر إلى شعبه ليستجلي الأولويات وهو من يطيل تأمّل (السقوفات) ينتظر الآيات وأخيرا.. أخيرا... أخيرا.. أوحيت إليه البيّنات بأنّ أولى الأولويات هي حسم الخلاف الخطير في موضوع مياه (التوالات)  
                                     
                                       *********
    في الخضراء يعرف الناس الأحزاب ولا تعترف بهم الأحزاب.. أحزاب كمومس (مكحّلة لهذاب) ترشح عسلا (ماسطا) تظنّ الكلّ سيتساقطون عليها كالذباب.. وليس منهم سوى مشعوذ أو داعر أو أفّاق من أساتذة مسيلمة الكذّاب.  

                                      ********* 
    في الخضراء ثمة شكون جات محنتو في الفضايح ضربانو البندير والريق شايح للغنوشي والشابي والباجي واللي عارهم فايح  بهيم ناقص صفايح فارينة زرقة والقدر الطايح يميل مع الأرياح عامل فيها رابح وهو فيها رايح هكا بالو يغنيلو فيا أحرار نوصيكم اللي يحل (زنبيلو) سربيلو وإذا ناقص موش مشكل عندو عبيلو.
          
                                     *********
    في الخضراء برشا يموتو على ركبة عريانة وقارورة مليانة وركشة فنانة وجونة مزيانة وغدرة بفيانة وفي طمبك سكرة عالمية يرفعوا كاسهم ويقولو وحق المعصية هاذية وتكون سلكتها إذا ما تحولش النقاش إلى الاستشهاد بمعاني آيات قرآنية يتحفوها ساعات بأحاديث نبوية وتبقى باهت تغزر في ابليس ينهى على المنكر وهنا تقرر البهجة لبس الحجاب ويقسم المنطق أنو ماشي يفصّل جلباب ويضربلها نقاب. وفي الخضراء البعض يسمي باسم الله وقت يترشّف أول كاس شراب.

                                    *********
    في الخضراء برشا قلوب ضعيفة تبكي على البوليس كي يتضرب وكي يضرب أمو تتسب ما اسهل رضاهم وأسرع الغضب وهكا اللي يفهمهم يأخذ اللي يحب.

                                   *********
    في الخضراء يتجمع الناس وقت مداهمة بالكرتوش وقمّة الخطر.. فيراج يشجع تقول الواحد فيهم سوبرمان موش بشر.. ويخافو من الإرهاب وقت يصير الحكايات على القنوات. 

                                  *********  
في الخضراء عجايب وغرايب ومصايب وأكيد بعد أجيال قليلة تطلع شبيبة بليدة تخلق ملخضراء حكاية ألف ليلة وليلة جديدة.