mercredi 19 mars 2014

أمثال تونسية


   أمثال تونسية

         من أقوال ناس بكري


           ·         رد بالك مالسّكبان.. يحرّش القطوس ويبكي مع الفيران 
  • الحنضلة ما تولي تفاحة والخرشي ما تبان فيه ملاحة
          ·         الزمان تعكس الورد تقلع والبصل تغرس
  • الجرح يبرى يا صبرة وتغطيه الضميدة وكلمة السوء يا صبرة تمسّي وتصبح جديدة
         ·         دار خًر طُر تدقّ الباب يحلّوك الكل
         ·         في الزمان المعكوس، الذنابي تولّي روس، ويسكت المنيار ويتكلّم الخنفوس
         ·         فاش تمضغ يا جدّة؟ في علكة عامنوّل
         ·         فارعني كي نكبر وما تبكيش عليا كي نموت
         ·         قالو شنوه اللي دخلك في الحيط يا مسمار قالو من الهم اللي وريا
         ·         كنت بالهم القديم راضي، جاني الجديد زاد أمراضي
         ·         لو تلبس من الذهب صريمة ما نراك كان بالعين القديمة
  • لا ترخص نفسك لمن يذلها ولا تشرب مالنقيع تموت والدار اللي ما تعجبك بدل غيرها لو كان حجرها ياقوت
  • كنت حاسبك حجرة المرجان يصنعو بيك البريام طلعت حجرة الوديان تمشي فوقك البهايم
 ويحكيو على طير البرني اللي تزوج بومه ووصّاها باش ما تصيحش وقت يرقد في ليلة ومزال كيف رقد  صاحت تفجع وطاح في قاع البير تكسر جناحو قال (وكلتك من لحم الغصوبي وسكنتك في بير نزاح وصيتك على الفعل الدوني وأنت مجدده الصياح اللي يتبع طنج غير طنجو يستاهل تكسير الجناح.

2 التعليقات:

une lectrice a dit…

mais vous avez oubliez cher bacchus un proverbe très intéressant : " éssouf yétbaa3 birzana " !

bacchus a dit…

@une lectrice
برشا أمثال موش مكتوبة مثلا
موش كل طير يتاكل لحمو
:)

Enregistrer un commentaire