jeudi 6 mai 2010

سيّب صالح

سيب صالح

ما هو الواحد كيف يصبح مهووس  بموضوع خايب ومسكون به اسم الله علينا وعليهم يعني بالعربية أوبسيدي بحكاية يصير يتخيلها موجودة  في كل شيء يتعدى قدّامو... في التصاور وعلامات الطريق خاصة في علامات كيما قف وممنوع المرور وممنوع التزمير والممنوعات الكل... ينجم يشوفها في أحلامو نقصد الكوشمارات متاعو... في كسكروت خامج في حيوان خايب في حشرة... باختصار في كل شيء. اليوم نقرا في مقامة للهمذاني اسمها المقامة الدينارية وتفاعلا مع ما صار البارح على الفايس بوك من حملة سيب صالح منعرفش علاش أنا نقرا في نص المقامة فكرت في دُمّار 404 يمكن لأنّ الهمذاني قال قبل أكثر من ألف عام ما تمنيت نقولو أنا لعمّار 404 الأيامات هاذي.. المهم هذا اللي قريت نهديه لدمّار نقصد عمّار:

    يَا بَرْدَ العَجُوزِ، يَا وَسَخَ الكُوزِ، يَا دِرْهَماً لا يَجُوزُ، يَا حَدِيثَ الْمَغِّنينَ، يَا سَنَةَ الْبُوسِ، يَا كَوْكَبَ النَّحُوسِ، يَا وَطَأَ الكابُوسِ، يَا تُخْمَةَ الرَّؤُسِ، يَا رَمَدَ العَيْنِ، يَا غَدَاةَ الْبَيْنِ، يَا فِرَاقَ المُحِبَّيْن، يَا سَاعةَ الحَيْنِ يَا ثِقَلَ الدَّيْنِ يَاسِمَةَ الشَّيْنِ يَا بَريدَ الشُّومِ يَا طَرِيدَ اللُّومِ يَا ثَرِيدَ الثُّومِ يَا بَادِيةَ الزَّقُّومِ يَا مَنْعَ المَاعُونِ يَا سَنَةَ الطَّاعُونِ يا بَغْيَ العَبِيدِ، يَا آيَةَ الوَعِيدِ، يَا كَلامَ المُعِيدِ، يَا أَقْبَحَ مِنْ حَتَّى، في مَوَاضِعَ شَتَّى، يَا دُودَةَ الكَنِيفِ، يَا فَرْوَةً فِي المَصِيفِ، يَا تَنَحْنُحَ المُضِيفِ إِذَا كُسِرَ الرَّغِيفُ، يَا ضَجَرَ اللِّسَانِ، يَا بَوْلَ الخِصْيَانِ، يَا كِتَابَ التَّعَازِي، يَا قَرَارَةَ المَخازِي يَا قَرَّادَ القُرُودِ، يَا لَبُودَ اليَهُودِ، يَا عَدَماً فِي وُجُودٍ، يَا كَلْبَاً فِي الهِرَاشِ، يَا قِرْداً فِي الفِرَاشِ، يَا أَقَلَّ مِنْ لاشٍ، يَا دُخَانَ النِّفْطِ، يَا صُنَانَ الإِبْطِ، يَا زَوَالَ المُلْكِ، يَا هِلاَلَ لهُلكِ، يَا أَخْبَثَ مِمَّنْ بَاءَ بِذُلِّ الطَّلاَقِ، وَمَنْعِ الصَّدَاقِ، يَا وَحْلَ الطَّرِيقِ، يَا مَاءً عَلى الرِّيقِ يَامُحَرِّكَ العَظْمِ يَامُعَجِّلَ الهَضْمِ يا قَلَحَ الأَسْنَانِ، يَا وَسَخَ الآذَانِ، يَا أَفْضَحَ مِنْ عَبْرَةٍ، يَا أَبْغَى مِنْ إِبْرَةٍ.

ثمة ناس وقت توقف الزنقة للهارب يدعي وإلاّ يسب لكن الباهي في حالتنا مع عمّار أنو مع الدعاء والسب ثمة رجال وثمة نساء ما عادش ساكتين والكل ماشيين بالفقهي من العزم إلى الفعل. والماء يكذّب الغطاس وإلاّ يصدقو. ونشوف فيك نهار يا عمّار.  



     

6 التعليقات:

Anonyme a dit…

hhhhhhhh nice ;)))

iиšдѓ čнєяиi a dit…

7lowaaaa hhhhhhhhhhhhhhhhhh

bacchus a dit…

@Anonyme
thank you

bacchus a dit…

@iиšдѓ čнєяиi
الفايدة في الهناء
ههههههههههه
شكرا على التواصل

Sonia a dit…

ben dis donc elle est vraiment super la langue arabe, tellement riche :))))) mouch normale kol saba tnassik filli kbalha ! mais bon il faut dire qu'il merite plus que ca !

bacchus a dit…

@Sonia
أهلا سنية
إكراما لك
وعلى خاطر الأصدقاء اللي قام عمّار بحجب مدوناتهم
تو نوفي في الدوزة المرة الجاية
وإلاّ نشوفلو حاجة جديدة
شكرا على التواصل سنية

Enregistrer un commentaire