أول عار وثاني عار وثالث عار
أول عار وقت نستقوى بالبروكسي باش ندخل لمدونتي وهي ملكي
ثاني عار وقت أجنبي يجي يدافع على حريتي باسم القوانين وبلادي كانت تعلم فيها للأخرين
ثالث عار اللي يحكي بحب الخير على بلادو يظهرلي موشي عار علاش ديغروه بمقص عمّار
أوّل فضيحة وثاني فضيحة وثالث فضيحة
أول فضيحة بعد ما جاعو ناس بكري للحرية يصير اللي يحل فمو ياكل طريحة
ثاني فضيحة بعد ما علموني وبالشهايد غرقوني وشعروني أني عبد كبير صنصرو أفكاري ومارسو عليّ الوصاية كأني فرخ صغير
ثالث فضيحة بعد ما أقنعوني أني من بلاد الأجواد والأحرار يسلطو عليّ عمّار
أوّل كلام وثاني كلام وثالث كلام
أوّل كلام نحب بلادي واللي يحب ممكن يضام
ثاني كلام نحبك يا بلادي يا خضرا وما نطيق اللي يوصلك بالخايب حتى بنظرة
ثالث كلام وكلامي للسامعين وين ماشيين؟ وين؟
0 التعليقات:
Enregistrer un commentaire