mardi 24 décembre 2013

الأب نُوال يغني الهادي الجويني

   
   الأب نُوال يغنّي الجويني

    يَسعد الغرب بأبيهم نوال فقلت طوبى لهم ونمت ولكن حين استيقظت وجدت هديتي.. مشهد    مسرحي غنائي من فصل واحد أنشره لأشارككم ما مُنحت:

    الفضاء/الزمان
    استعراض موضة 2014 مستلهمة تراث ما قبلها.

    الشخصيات
   تونس/ الترويكا/ المعارضة/ الشعب/ 17 ديسمبر/ 14 جانفي / الهادي الجويني

   (الترويكا تحتذي كعبا عاليا لمزيد من الإغراء وهي المتعوّدة بالكعب (الواطي) والمعارضة ضاربها     السباط تشكو كعادتها. فأمّة اقرأ لا تقرأ ورفاق اليسار على اليمين وأشقّاء القومية فرقاء وعلى قول     المتنبي "لكلّ امرئ من دهره ما تعوّدا.")

             الهادي الجويني يغني على ايقاع تحت الياسمينة في الليل:

تحت الياسمينة في الليل......نسمة والورد محاذيني
خرافة البرويطة والزّين......ثورة ومستقبل يعنيني
بانت تضبيعة سنين ......... والزلم في الثورة يعزيني
والذبان عليّ ينين       يمسحلي في عرق جبيني
***************
وصارت الانتخابات     تدليس وبرشا حشوات
وهكّا حكمت الأصوات   الأرشيف خرجلنا كعبات
نفضوا عليهم الغبار    حمامة وحوتة ومرايات
يا والله ملاّ كعبات     لا يورّيك  لا تورّيني
***************
خرافة البرويطة والزّين......ثورة ومستقبل يعنيني
بانت خرية سنين ......... والزلم في الثورة يعزيني
الذبان عليّ ينين       يمسحلي في عرق جبيني
الجرذ عليّ بفيل......وساخة ما شافتها عيني
***************
تحت الثورة اتكيت ......طحت وجات خشبة في عيني
وتناطر دمي واشكيت......تمنيتك يا ثورة تنجيني
تورة ضاربها السباط   طاح بيها واحد عفّاط
من حينو أعطاها لكلاط   ماترك وبوليس محاذيني
****************
تفكرتك شعــــلت النار......ثورة شعب الأحرار
ثورة لبست بنوار......فاحت من ريحت الأزهار
مطاح بيها كان النبّار   ركّح في تفاوض لحمار
ايرُك فيها ليل مع نهار     وهي تصيح يا ميمة نجيني
*************
خرافة البرويطة والزّين......ثورة ومستقبل يعنيني
بانت خرية سنين ......... والزلم في الثورة يعزيني
الذبان عليّ ينين       يمسحلي في عرق جبيني
***************
لكن تبقى ثورة بلادي   البراهمي هنا وشكري من غادي
وديسمبر سبعطاش ينادي   جانفي أربعطاش توج جهادي
جريح وشهيد يا ولادي     دمكم تاج راس بلادي
***************
الأغصان عليا تــــميل......تمسحلي في دمعة عيني
تونس يا حلمي و يا حبي   ورد و ياسمسن محاذيني
وتناطر دمعي وبكيت......تفكرتك كيف كنت تجيني
الأمل عليا يــميل......يمسحلي في دمعة عيني......





6 التعليقات:

chipie-chipounette a dit…

الأغصان عليا تــــميل......تمسحلي في دمعة عيني
تونس يا حلمي و يا حبي ورد و ياسمين محاذيني
وتناطر دمعي وبكيت......تفكرتك كيف كنت تجيني
الأمل عليا يــميل......يمسحلي في دمعة عيني......

شكرا صديقي، أكثر من رائع

bacchus a dit…

أنت الأروع بحضورك صديقتي
كم مشتاق لقراءة نص جديد لك
أرجو أن يكون ذلك قريبا
:)

بنّة الحومة a dit…

ياعيني ياليلي

bacchus a dit…

@بنّة الحومة
مرحبا زيارة ونيارة
هههههههههههه

brastos a dit…

دائما وفيّ لكوميدياك السوداء .. دمت و دامت لنا نقشاتك المتميزة

bacchus a dit…

@brastos
دمت براستوس سندا فليس الانسان إلاّ بوعي من يحيطون به.
ونعم الصديق أنت

Enregistrer un commentaire