وين ماشيين21؟
- علاش نفكرو في صورتنا بعد الاعتداء على صحافيين أجانب وما نفكروش في الصحافيين متاعنا؟
- علاش يفكر الوزير في تجّار شارع بورقيبة ويسمح بالتظاهر في الشوارع الأخرى شبيهم تجار الشوارع الأخرى؟
- علاش مسيرات الشعب تدان لأنها تهرّب السياح وكأنو التشعبيط على ساعة بأعلام سوداء منتوج وطني يجلب السياح؟
- علاش اللي يغلق كلية ويمنع العلم مدة أسابيع على 5000طالب يُحترم واللي يعطل شارع مدة ساعتين قلبو يتاكل؟
- علاش اللي يحب يقص الأيدي والأرجل مسلم واللي ينتصر لإنسانية الإنسان ملحد كافر؟
- علاش اللي عملو اعتصامات قبل الانتخابات وطنيين واللي يعملوها بعد الانتخابات انقلابيين؟
- علاش اللي دخل من التجمعيين لحركة النهضة نظاف واللي ما دخلش أزلام النظام البائد؟
- علاش اللي يدعو إلى 4نساء تقيّ واللي متمسك بمجلة الأحوال الشخصية شاذ وعلماني؟
- علاش اللي رفع السلاح في وجه الشرطة والحرس والجيش في بئر علي بن خليفة اسمهم عند الحاكم أبناؤنا واللي رفع النشيد الوطني اسمهم أعداؤنا؟
- علاش السبسي يقول إذا واحد شد قناص يجيبو والداخلية اليوم تقول اللي يشد ميليشيا من الحزب الحاكم تجيبو؟
- علاش اللي شد الحبس رغم ماء الفرق والتفجيرات اللي عملها لازم يحكم واللي شد في الانتقال السلمي لازم يكون محكوم؟
- علاش الماتراك تتكلم قبل الحوار؟
- علاش الشعب التونسي لازم يبكيه الحاكم متاعو؟
- علاش الجهلة والباندية اللي عملو لحية أسياد والمتعلمين والمثقفين عبيد؟
- علاش اللي يضرب على البندير متاعنا واللي يضرب على علم البلاد عدونا؟
- علاش اللي يقول يحب ربي يهرّس بالضرب عباد ربي؟
- علاش بوليس نهار 9أفريل هز الماتراك في وجه الزملاء متاعو وهم يفشخون شخصا وقال ابعدو عليه هذا Monsieur قراني عام الباك سامحنا Monsieur؟
- علاش البوليس يلبس الأسود؟
- علاش وزارة الداخلية تبقى في شارع بورقيبة؟
- علاش اللي يحكمنا لازم يكذب علينا؟
- علاش يا تونس يذلنا حبك؟
- وين ماشيين؟؟؟؟؟
- وعلاش؟؟؟؟
11 التعليقات:
بكّيتني يا جمال :'(
@radiohix
ما كان باخوس يوما ضعيفا كمثل هذا اليوم ولكنه حزين مثلك
تونسنا تنزف
شكرا جزيلا على تقاسم المشهد
ويعرف الأصدقاء عند النوائب
أشاركك أحزانك ككل من حلم بدولة تليق بالإنسان:(
Je suis toute aussi triste, aujourd'hui j'ai encore mal partout et j’espère que j'aurais toujours mal pour ne jamais oublier ni la police, ni les milices ni le gouvernement.
@chraigui
أهلا صديقي
لو لا بعض الأمل وأصدقاء مثلك يحاولون جهدهم تقطيب جرح البلاد لكان العبث
@ chipie-chipounette
« Savoir, c'est se souvenir. » Aristote
« Le souvenir commence avec la cicatrice. » Alain
Voilà on est tous triste.
Merci chipie-chipounette.
Mabrouk nous avons notre avenue, mais le combat est encore long... je ne dis pas merci au gouvernement hahdeka 7a9na w fakkineh
@ chipie-chipounette
Notre avenue... le plus beau des poèmes.
Merci chère amie
le seul problème c'est que comme d'hab on libère la rue et comme d'hab boula7yov vont en profiter :))) misselech bagla lihom
علاش يا تونس يذلنا حبك؟
c'est très beau!!! ça me fait penser à ça:
Il n'y a pas d'amour qui ne soit à douleur
Il n'y a pas d'amour dont on ne soit meurtri
Il n'y a pas d'amour dont on ne soit flétri
Et pas plus que de toi l'amour de la patrie;
Louis Aragon, "La Diane Française".
@Anonyme
Très beau.
Et pas plus que de toi l'amour de la patrie
c'est ça. Merci
Enregistrer un commentaire