mardi 29 décembre 2009

هل نحن أغبياء؟


هل نحن أغبياء؟
ملاحظة في البداية اللي ماشي نكتبو معندو حتى علاقة بالعنصرية
وين ماشيين؟
سؤال لقيت روحي نطرح فيه من مدّة طويلة في كل مرّة نقرا على عملية تحيل قام بها واحد من دولة افريقية على تونسي أو أنا وإلا واحد من أصدقائي نحلو البريد الالكتروني متاعنا ونلقاو رسائل أهم ما فيها أنها من مرا من وحدة من بلدان إفريقيا وتكون عادة باسم مرا يتيمة وإلا هجالة وعندها مليارات تحب تستثمرهم في تونس فوحدة بوها عندو منجم متاع ماس والأخرى راجلها مات في حرب أهلية خلالها مليارات وآخر طلعة:
   I am Dr. Mrs.Aisha Kabila, the second wife of the late President of Democratic Republic of Congo, Laurent Desire Kabila.
I on behalf of my only son Morgan Kabila I have decided to solicit for your assistance to transfer the sum of USD$25.7Million,(Twenty five Million seven hundred thousand United States Dollars) to your personal or company s account, pending if the fund will be safe without any problem.
This money was part of the fund secured by my late husband when he was still in power.
الكارثة أنيّ نعرف شكون جاوب وبدا يتصرف تحت حس مس باش ما يفيق به حد وهو يحلم بالغباء الافريقي (موش النادي) اللي ماشي يحولو مليارات لحسابو حتى أنّ البعض بدا يستشير ويسأل عن تكلفة بعض المشاريع.....يخي صرنا دغف للدرجة هاذي. زعمة موش لو كان ما نجحوا الأفارقة في عمليات التحيل على التوانسة كانوا يجربوا معانا. جرايدنا في صفحات الحوادث تخليك تحشم وإلا شنوة معناها قضايا تحيل قدام المحاكم يكون الطرف المتهم إفريقي أقنع تونسي أنو يولّد الفلوس اي نعم يولد الفلوس ويجد على التونسي ويبدا يكت في الفلوس وبعد يبدا يصيح شنوة جرالي بعد ما سلبوني خلي عاد من هاكي القضيّة متاع التحيل باسم منظمات إنسانية يخي هنّا للدرجة هذي يخي ثمة توانسة ضايعين فيها هكة وصارت شعوب سبقناها في التعليم والقوانين تتحيل علينا واحنا كي الدغف نحصلو. وإلا زعمة حاجات أخرى خلات التونسي مستعد لأيّ شي نعم أيّ شيْ مقابل الفلوس. عيب وقت تونسي يحصل في مثل هذي الأوضاع باش ما نقولش حاجة أخرى والله عيب. ويين ماشيين؟

4 التعليقات:

Hamadi a dit…

Je connais au moins deux personnes qui ont fait le déplacement en suivant ces rêves et qui ont risqué leurs vies et ont perdu de l'argent en suivant des milliards imaginaires.

bacchus a dit…

@Hamadi
شكرا على الاضافة راهي المسألة صارت فضيحة وقلت من البداية الجدار هذا متاع الناس الكل فاللي عندو إضافة يكتب يلزم هالمسخرة تتوقف. شكرا حمادي مرّة أخرى,

WALLADA a dit…

أنا كنت ديما نسمع بالنّوادر الّي يحكيوها التوانسة على المقالب الّي يعملوها في الإخوة اللّيبيين و لكن عمري ما كنت نتصوّر إلّي التونسي بذكاه و تعليمه و فطنته ينجّم يكون تحيّل ، شيء يأسّف . و لو أنّي نعتقد أنّ الدّافع هو الطّمع و الرّغبة في الثّروة السّاهلة أكثر منه غباء .

bacchus a dit…

@WALLADA
بالضبط ولادة الطمع يعمي العنين والقلب. آخر ما حصل لاعب معروف سلم 4آلف دينار لزوز أفارقة وفي الليل ندم رجعلهم اعطاوه فلوسو روح يلقاهم أوراق جرايد وتم القبض على واحد والثاني سافر والقضية تو في المحكمة. شيء يأسف. شكرا على مرورك ولاّدة

Enregistrer un commentaire