هبال.. أو وين ماشيين 20
قال صاحبي:" تعرف اللي التونسي ذكي.. مهف.. طيارة.. موش نورمال.. وليدها.. مطيح.. ما يلعب معاه حد.. فايق.. مثقف.. متعلم.. يفهمها وهي طايرة.. معلّم.. خبيث.. إلخ..... يعني موش متلّه.. وضايع فيها.. وزكيم.. ومخربط.. ومخرتل.. وطرطور... ومعفط.. ودغفة.. وبهلول.. وبهالي.. ومصطك.. وبهيم.. ومقربع.. وداخل في حيط.. إلخ..
يعني التونسي الجو متاعو هبال مشى وزيد عمل ثورة وانتخابات وطلّع حكومة باش تحقق أهداف الثورة متاعو. عاد قلت هات نشوف الفايس بوك باش نتطلع على اهتمامات الحكومة متاعو اللي انتخبها مؤقتا باش تسير البلاد وخاصة المجلس التأسيسي وسماها الترويكا واكيد هوما من خيرة شباب الأمة باعتبارها ثورة شباب أي شد عندك وهذا من الفايس بوك كيما قلت:
- إغلاق الخمّارات في تونس مسألة وقت
- فمة أطراف تحرك في الاعتصامات أما ما نقولوش عليهم .
فمة أطراف تحرق في المنشآت أما ما نقولوش عليهم .
فمة أطراف تعمل في اتصالات لإسقاط الحكومة أما ما نقولش عليهم .
- المنصف المرزوقي أول رئيس في التاريخ يطرد سفير دولة و يعرض اللجوء السياسي لرئيسها !!" (يا حبيبي)
- مقترح لتغيير النشيد الوطني!!؟ وعلم البلاد؟؟؟
- مدير التونسية يحاكم من أجل نشره صورة لفتاة عارية
- يمثل مدير عام إذاعة موزاييك الخاصة نور الدين بوطار و مدير تحريرها ناجي الزعيري أمام قاضي التحقيق بالمحكمة الابتدائية بتونس العاصمة لسماعهما في قضية وجهت لهما فيها النيابة العمومية تهما من بينها نشر أخبار كاذبة والإخلال بالأمن العام على خلفية الاحتجاجات التي شهدتها البلاد عقب إصدار العفو التشريعي الخاص. وذلك لخبر مفاده إطلاق سراح العربي الماطري الذي أدين بالسجن بتهمة اغتصاب طفل قاصر من جنس الذكور وقتله.
- عدنان منصر: المناظرة بين شيوخ التيار السلفي والعلمانيين ستقام قبل 11 مارس
- المرزوقى رئيس الجمهورية قلق جددا على الأوضاع في مالي الشقيقة
- رئيس مجلس يعطي دقيقة للنواب لمساءلة الحكومة في السياسة ، والاقتصاد والإعلام، والأمن...الخ...
- إنشاء خطة المأذون الشرعي للزواج العرفي مثلا
أي تعرف من الآخر جو كبير وموش لازم نحكي على الإعلام والسلفية ومشروعها الثقافي والتجربة الأفغانية في مواجهة التجربة الدانماركية فلم عادل إمام في إنشاء مدارس داخل المساجد لتعليم الأطفال حاجات وحويجات... إلخ...
المهم ثمة عفصة عند أبي حيان التوحيدي في كتابه الإمتاع والمؤانسة وهي ملحة الوداع وبها أختم:
قالك جماعة ستخرج في مسيرة وهي قادرة على المعجزة تقول شنية؟ أي يا سيدي الجماعة ماشية تخرج باش تعمل اللي عجز عليه الاستعمار والدموية متاعو وبورقيبة وقباحتو والتكتيك متاعو وبن علي وآلة القمع متاعو قالك ياسيدي الجماعة باش تفتق الاتحاد التونسي للشغل من بعضو.
يبارك في ثورتك يا تونس.. جو هبال وإلا هذا الهبال؟
ووين ماشيين؟؟؟؟؟؟
وين الدستور؟؟؟؟؟؟
وين الثورة؟؟؟؟ زعمة تلبس نقاب وتصبح عورة؟؟؟؟
3 التعليقات:
excellent comme d'hab...juste une chose "3arbi el matri we tohmat el e3tida 3ala tefl 9aser JENS EDHOUKOUR..."
c'est un détail qui ne sert à rien (enfin je trouve) pasque ça n'aurais rien changé si c’était une petite fille (bien sur n'aurais rien changé ds l'absolu et non ds l'imaginaire collectif d'une population comme la notre)..7assilou juste ça qui m'a interpelé...pour le reste...que du bon.
amitié.
@nassimelwed
ملاحظتك دقيقة وفي مكانها بل هو ما يجب أن يقال ولكني حاولت نقل الفكرة كما وردت على الفايس بوك دون تعديل كبير تماهيا مع فكرة التدوينة
شكرا على التواصل
مع الود والاحترام
Jadores cet ecrit . jen ai mis un passage sur ma page facebook signé Bacchus bien sur . Merci .
Enregistrer un commentaire