mercredi 11 mai 2011

هلوسات أبي فأرة الكيبوردي

    
هلوسات أبي فأرة الكيبوردي
     اليوم حبيت نتصالح مع نفسي ومع محيطي. حضرت القعدة حسب قوانين القاعدة (موش متاع بن لادن) نقصد القاعدة متاع الناس اللي قعدتهم على قاعدة وحليت الحاسوب حبيت نعمل طلّة على المدونات والمواقع والصحف والمجلات والتويتر والفايس بوك لكن طلعلي صاحبنا متاع التدوينة هاذي عبس وتولى وقالي بالحرام إما نتكلم أنا وإلا ديقاج وفجأة صار كل ما في الهارد متاع الحاسوب يصيح "الهارد يريد إسقاط باخوس" "بالكوابل والفيشات نفديك يا كيبورد" فقلت هذي مآمرة ضد السوفت في الحاسوب بل يمكن ثمة لوجسيال مندس وبما أني بديت نشم في الديمقراطية بعد الثورة قلت خليّ الكازي يتكلم خير ما تراصي في مسيرات في شوارع الويندوز ووقتها يا شماتة أبلة الجزيرة فيّ.
     تنحنح عمك أبو فأرة الكيبوردي وقال:   
    في العمر هذا صرت خايف بعد ما شفت شعب عمل أوفردوز متاع حريّة فصار باندي متاع ثورات يستعرض في شبابو على العالم في حين شيابو وأحزابو يمارسو في الركوب على كل شيء وهي في الحقيقة رياضة وطنية بعد ما صار قلبان الفيسة رياضة روحية تستهوي المواهب وتصقل العود الشايب.
هنا ما حبيتش في أولاد بلادي وقلت: بربي يزي احنا اللي بدينا عصر الثورات الحديثة وقفلنا الكونغرس الأمريكي وإنجازاتنا تشوفها في مصر واليمن وليبيا والبحرين وسوريا.
طرشق أبو فأرة الكيبوردي بالضحك وقالي:
    مساكن أنتم وثورتكم في بلادكم وين آثارها صحيح أنا نشوف أنكم حاكمتو رموز الفساد وأكثركم رِمز بكسر الراء موش رَمز ونشوف في استرجاع الأموال المنهوبة دولارات وأوروات وديار وقصور وجزر ونجمة في السماء. والأمن قايم حتى أنو اللي يحل فمّوي يفرحو بيه ما تشوف كان البخور متاع لكريموجان وعصا الطبالة ترقص على ظهرو وأماكن أخرى ونشوف في الأحزاب تتعارك شكون تضحي بأنانيتها لصالح البلاد ونشوف في العملة والموظفين والطلبة والتلامذة مواظبين على الحضور في الوقت والتعب عاطي مسد وكل واحد يصبح يخدم ويسهر يخدم ويقول أنا مقصر في حق بلادي تفوه على اللي ما يحشمش تو بربي شنوة تسميها الزبلة في الشوارع؟ واللي يطلع في ميترو أو حافلة وما يدفعش تذكرتو واللي يبني في حديقة عمومية واللي يكسر كل ما يجي قدامو واللي يعمل في البراكاجات واللي يحرق الأخضر واليابس والحوانت والمغازات تو ما تحشموش على رواحكم يا مهفات الثورة؟
    قلت: ما تعممش بربي ثمة راهو الصادقين والمثقفين والسياسيين الصحاح
     ضحك أبو فأرة الكيبوردي مرة أخرى وقال: يرزيك فيهم وفي روحك زادة تو هذا كلام تقولو؟ ما تحشمش؟ تعرف أنا ما نقولش البلاد داخلة في حيط على خاطر كان تكملو على هالنسق عام تو تهدو كل شيء وحتى حيط ما تلقاوش باش تدخلو فيه. بربي قل لي مثقفين هاذم اللي كلمة تهزهم وكلمة تجيبهم؟ مثقفين هاذم اللي فيديو الراجحي يهزهم ومسرحية السبسي تحطهم وإذا بيهم عشرة ملاين محلل سياسي وخبير استراتيجي؟ بربي قولي البطالة من مصايبكم تزيدو تحرقو الشركات والمصانع وتعتصمو قدام الإدارات وتصليو في الشوارع وتنصبو في التروتوارات (على فكرة السلعة اللي تتباع شكون دخلها للبلاد) وزيد عشرات الآلاف راجعين من ليبيا وزيد الحرقة وحكومة ندرا كيفاش وأحزاب ملخبطة الحاصل جو عليكم على خاطركم تسخفو. تعرف البراكين تقول "تفوه" بالنار وقت تكرز والأرض تزلزل وقت يوقع عليها الضغط والبحر يعمل تسونامي وقت يحس الشطوط توسخت هذا الحجر والتراب والماء وأنتم باهي يا سيدي وبرافو عملتو ثورة لكن جد عليكم التجمع نحيتوه والأنانية قضيتو عليها تعرف كلمة أخيرة ونسكت إما تعملو أنتي فيريس لعقولكم وبلادكم وإلا يحفر كل واحد منكم قبرو بالحياة خير.
قلت: وشنوة الأني فيريس اللي تنصح بيه؟
قال أبو فأرة الكيبوردي: اسمو خبز وماء والمضرة لتونس لا.
تنهد أبو فأرة الكيبوردي وقالي: أيا شنوّة قلتو؟           


9 التعليقات:

brastos a dit…

ما اروع هذا الابو فارة الكيبوردي .. فعلا هو العين الثاقبة و الناقدة لما حصل و لما توهّمنا اننا انجزناه
هناك منزله بين ان ننقد اداء الحكومه و نتساءل عن مدى وفائها للشعارات الاساسية للثورة و بين ان نلهث وراء الامن و الاستقرار الذي يستبطن المؤامرات
يبدو ان ابو فأرة يقيم في هذه المنزله

bacchus a dit…

@brastos
أنت الرائع يا صديقي حين تختطف اللحظة وتضع إصبعك على الداء الذي ينخر أوصالنا من خلال تعليقك الوجيه
شكرا براستوس على ثاقب رأيك

lina ben Mhenni a dit…

لقدانساني هذا المقال الرائع وحدتي و انا في اوسلو هنا يعتقدون اننا بخير

bacchus a dit…

@lina ben Mhenni
لست وحيدة لينا فصفاء السريرة والصدق لا حدود له ولا جوازات سفر
تحدّثي إن أمكن ذلك عن تونس التي ستكون وستكون بمناضلين مثلك. قد يكون ما كتبته هو جلد الذات ولكن من لا يقف عاريا أمام المرآة لا احترام له لنفسه وللآخرين كوني تونسنا هناك
شكرا على التعليق والتشجيع

Anonyme a dit…

جميل

bacchus a dit…

@Anonyme
شكرا

illusions a dit…

Bravo Bacchus pour cet article qui d'apparence humoristique mais qui met le doigt directement au cœur, là où ça fait vraiment mal...
On n'est pas habitué à la démocratie, à la liberté ni à savoir critiquer ou analyser. On apprend, on trébuche souvent, comme un enfant qui fait ses premiers pas, mais on apprendra, il ne faut pas juste oublier que l'amour de notre Tunisie, son bien et sa prospérité est une chose à ne jamais discuter...

PS: désolée si je n'écris pas en arabe, ma souris ne le comprends pas, il faut la changer...

bacchus a dit…

@illusions
بداية مرحبا بك وشكرا على التفاعل والتعليق
أوافقك الرأي أنّا مرسمون في السنة الأولى ديمقراطية ولكنّ الخطير ألاّ يكون هناك برنامج مسطر واضح يمنحنا المعرفة والثقة بالنفس لنواصل في المسار الديمقراطي ما نخشاه كذلك هي عصا المعلم دون أن نتعلم
اكتبي بأيّ لغة المهم صوت يصل
شكرا صديقتي على الزيارة

bacchus a dit…

أعتذر لكلّ الصديقات والأصدقاء على التعاليق المحذوفة وذلك ناتج عن خلل في تحديثات بلوغر من المصدر
وهذه رسالة بلوغر

Bonsoir à tous,

Quelle journée frustrante ! Nous sommes désolés que vous ayez été dans l’impossibilité de publier sur Blogger pendant les 20,5 dernières heures. Tout est presque revenu à la normale désormais. Vous pouvez de nouveau publier, et les messages et commentaires qui avaient été temporairement supprimés devraient être restaurés dans les prochaines heures. Nous vous remercions de votre patience pendant que nous réglons ce problème. Nous utilisons Blogger pour nos propres blogs, et partageons donc également votre contrariété.

Voici ce qui s'est passé :
Au cours de l’opération de maintenance de jeudi matin, nous avons rencontré des problèmes techniques qui ont altéré le bon fonctionnement de Blogger. Depuis, les blogueurs et leurs lecteurs ont pu connaître diverses anomalies, comme des pannes intermittentes, la disparition de messages ou l’apparition de pages d’erreur. Un petit groupe d'utilisateurs de Blogger (estimé à 0,16%) peut avoir rencontré des problèmes supplémentaires spécifiques à leurs comptes. Hier, nous somme retournés à la situation pré-maintenance et avons mis Blogger en mode lecture seule, pendant que nous travaillions sur la restauration de l'ensemble du contenu. Ceci explique pourquoi vous ne pouviez pas publier sur vos blogs. Nous avons rétabli la version de Blogger datant du mercredi 11 mai. Vos messages écrits après cette date ont alors été temporairement supprimés. Nous travaillons actuellement à la restauration de ces messages.

Encore une fois, nous sommes désolés des désagréments qui ont affecté les auteurs et lecteurs de Blogger. Nous nous efforçons de garantir la disponibilité de Blogger et ferons de notre mieux pour éviter qu’une telle situation ne se reproduise.

Marie,
L'équipe Blogger

Enregistrer un commentaire