وين ماشيين10

 وين ماشيين10

    قرّرت أ تي إي انتداب موظف باش يسهر على نقاء الفضاء الافتراضي ويفيق بالتجاوزات التي من شأنها تعكير صفو الجو العام... فتقدّم عمر وعميرة والعمري وعامر وعمارة وعمرو (موش خالد) والمعموري ومعمر كلهم تقدمو للوظيفة. وفي جو كلو هيبة وقار دخلو باش يعملو الامتحان يدفعهم الوفاء الدائم وكلهم شعور بنبل المهمة وجسامة المسؤولية التاريخية الملقاة على عاتق من سينال شرف الوظيفة. كان السؤال: لو نهار أو ليل وقع صنصرة موقع أو مدونة أو منتدى أو صحيفة أو مجلة لا قدّر الله قلنا لو لأنو هذا ضد قيمنا السمحاء ورؤيتنا الشمولية وفي كنف الشفافية والوضوح كنت مجبر باش تفسر سبب الحجب فماذا تقول؟

وبداو العمامير يجاوبو اللي قال الحجب من أجل بث الفتنة واللي قال الإرهاب واللي قال الأفكار الهدامة واللي قال المس من المناخ الديمقراطي واللي قال الثلب واللي قال واللي قال والعمامير جايبين ما عندهم. هوما هكة ودخل سخش موش شخص في يدو طبق فيه قهاوي للجنة تقييم الاختبار وبدا يبتسم وهو يسمع في الإجابات. غضب رئيس اللجنة وقالو:

رئيس اللجنة: شنوة اللي يضحك فيك أنت؟

السخش: حتى شيء

رئيس اللجنة: قول وإلا نحولك للتحقيق

السخش: علاش سيدي شي ما عملت

رئيس اللجنة: قتلك علاش تضحك؟

السخش: ناس عندها شهايد وما تعرفش تحكي

رئيس اللجنة: شنوة؟

السخش: تو بربي هذا كلام قالو فتنة وإرهاب ومناخ ديمقراطي وثلب وحكايات سامحني بيدونة

رئيس اللجنة: نورنا سيادتك لو كنت أنت شنوة تقول؟

السخش: أنا نقول علاش وقعت صنصرة البلوغات؟ على خاطر وقت امتحانات يعني نحبوكم تنجحو وتنقصو من الكهرباء في إطار ترشيد استهلاك الطاقة وتنقصو مالسهريات صحتكم تهمنا وتنقصو من القعاد قدام الكمبيوتر نخافو على عنيكم واحنا نحبوكم تسيبو العالم الافتراضي وترجعو للجلسات العائلية، شوية قلوب واتحلقو حول تونس7 باش ترفعو شوية من مستوى التخلف اللي وصلتولو  بعد ما السموم اللي ضربتكم بسبب اليوتوب وجماعتو تي ريحو عصابكم من النقاشات الفارغة اللي تعملو فيها والتعليقات والنرفزة متاع أخبار توصلكم وكلها اصطياد في الماء العكر وتسميم أجواءنا اللي كلها طقس جميل وعصافير تزقزق هاذي بعض الدوافع وكيما تشوفو نبيلة والعمامير ليكم رحمة. وملآخر ما نقول شيء اللي عجبو عجبو واللي ما عجبوش ..... يخي شكون الهوكش متاع الشهايد هاذم باش نضيع وقتي ونجاوبهم؟

وبهت الذي كفر وقال رئيس اللجنة: شنوة اسمك ولدي وشنوة تعمل في الدنيا؟

السخش: اسمي عمّار سيدي في القراية شوية شوية أهوكا نطيب القهوة وعندي جلم ماضي لوقت الحاجة وعندي 404 باشي ندبر بها في راسي

رئيس اللجنة: صحيت ولدي قررنا نحن رئيس اللجنة تعيينك أنت والجلم والباشي 404متاعك في الوظيفة وآهو كلو عمار يا عمّار

قالو العمامير لخرين الوباء والخلاء هذا خلاء مخلي

رئيس اللجنة: قررنا نعينوكم معاه لكنو رئيسكم والناطق الرسمي

عمّار قالهم: لا أنا عمارموش خلاء

قال كرسي لطاولة بجنبو: هذا خلاء موش اعمار والخلاء في العربية الفصحى التوالات في الهواء الطلق

ومن نهارتها تأسست امبراطورية العماميير.

المقامة التفشفيشية

المقامة التفشفيشية

     حَدّثَنَا أبو فأرة الكيبوردي قَالَ:  َجَلَسْتُ يَوْماً إلى بعض أحبابي الثقات نتذاكر ما كان من أمر الانترنيت، وَأمامنا كائن كأنّه شبح علا محيّاه المرحُ وعلى شفتيه ارتسم الفرحُ قَدْ جَلَسَ غَيْرَ بَعِيدٍ يُنْصِتُ وَكَأَنّهُ في فهمه عبقريّ، وَيَسْكتُ كَأَنّهُ غبيّ ابن غبيّ حَتّى إِذَا مَالَ الكَلاَمُ بِنَا مَيْلَهُ، وَبان من الْجِدَالُ حرّه، قَالَ: قَدْ أَصَبْتُمْ ظاهره، وغاب عنكم باطنه، وَلَوْ شِئْتُ لقلت فأوفيت، وَلَوْ نطقت لفسّرت وبيّنت، وَلَجَلَوْتُ الْحقّ في الأقاويل، يسقط عنكم السراويل فَقُلْتُ: يَا هذا أدْنُ فَقَدْ أغريت، وَهَاتِ فَقَدْ تحديت، فَدَنَا وَقَالَ: سَلُونِي أُجِبْكُمْ، وَاسْمَعُوا أُعْجِبْكُمْ. فَقُلْنَا: مَا تَقُولُ في أصحاب المدوّنات؟ قَالَ: منهم صادق الأفكار والكلمات ومنهم من همّه كامن في التصويت والتعليقات وفيهم من خانته المحاولات يبحث عن تدوينة التدوينات ونفر ما لقي حظّه في الكوناكسيون في البيت أو البيبلينات يلعن التوب نات ويكفر بالبلانات   قُلْنَا:  فَما تَقُولُ فِي الفايس بوك قالَ: حضور تغيّبه سرعة تداول الصفحات وقد تحفظه البروفيلات  والصديق فيه، يَمْدَحُ إِذَا رَغِبَ، وَيَعْتَذِرُ إِذَا رَهِبَ، وأمّا العدوّ فينبّر إذا غضب ويشتم إذا كرب على نواياك يفتّش و لمجرّد الظنّ بك يفشفش وعلت محيّاه ابتسامة الفرح واهتزّ عطفاه من المرح قُلْنا: فَلَو أَرَيْتَ مِنْ أفعالك، وَرَوَيْتَ لَنا مِنْ أَخْبارِكَ، قالَ: خُذْهَما في مَعْرِضٍ واحِدٍ: أنا من غير ذنب أنا موجود في شرق وغرب يفشفش بعضكم البعض  وإذا تقطيع الشعر والعضّ ثمّ تعتبون على الحجب وتحت الحزام كلّ الضرب وكذا جلب التطرّف لكم ضرّا وأخمد لكم ذكرا وسقاكم مرا وهلمّ جرا.  

     قَالَ أبو فأرة الكيبوردي، فآلمنا ما به صاح. ثمّ أَعْرَضَ عَنَّا فَرَاحَ. فَجَعَلْتُ أَنْفيهِ وَأُثْبتُهُ، وَأَنْكِرُهُ وَكَأَنِّي أَعْرِفُهُ، ثُمَّ دَلَّتْنِي عَلَيهِ طلعته، فَقُلْتُ: الباشي عمّار وَاللَّهِ، فَقَدْ عهدته من أصحاب القفاف، وَوَافانا وهو من الأجلاف، وَنَهَضْتُ عَلى إِثرِهِ، ثَمَّ قَبَضْتُ عَلَى خَصْرِهِ، وَقُلْتُ: أَلَسْتَ عمّار؟ لا بارك الله في مقصّك أجارنا الله من قصّك فَأَيُّ مصيبة أنت؟ قال دعني لهمّي سيأتي عليّ غمّي تهدّدني البطالة في الفايس بوك بعد أن انبرى حجب بعضكم لبعض لمحض شكوك

قلت: أتخلصنا الكوناكسيون العادية منك كما خلصنا البروكسي قال: عند الحاجة يأتي الجلم بالدرس ثمّ ضَحِكَ إِليَّ وَقَالَ:

وَيْحَكَ هذَا الزَّمَان زُورُ		فَلَا يَغُرَّنَّكَ الـغُـرُورُ
لاَ تَلْتَزِمْ حَالَةً، وَلكِـنْ		دُرْ بِالَّليَالِي كَمَا تَدُورُ.

دخلة الباك سبور

  

 الخبر

 اليوم وقع إصدار مذكرة عن وزارة التربية وبالضبط من خلال فاكس صادر عن مدير مكتب وزير التربية  أرسل إلى جميع معاهد الجمهورية يمنع جميع المظاهر المتعلقة بما تعود تلامذة سنوات الباكالوريا على تسميته بدخلة الباك سبور.  وقد نعتت هذه الممارسات بمظاهر الشغب والفوضى كما إنّه وقع تجنيد السلطات المختصة للحيلولة دون وقوع أي تظاهرة سواء كانت في مكان إجراء الاختبارات الخاصة بالباك سبور أو في الشوارع أو في المعاهد.

الواقع

هذا الخبر ولكن ما قيل لي أنو تلامذة الباكالوريا كانو جمعو برشا فلوس وكل معهد حضر الدخلة متاعو وشافو أنو من حقهم باش يعملو جوهم قبل المراجعة للباك. وموش من حق حتى واحد باش يمنع الدخلة.

دخلة الباك سبور بدات تو عندها سنوات قليلة وصارت عادة ومن حق التلامذة يعملو جوهم لكن الأخطار المنجرة عن ذلك زيدهم الغنايات اللي يمسو من كرامة بعض الناس في المعهد أو خارجو خلّى فكرة الدخلة  تحتاج إلى وقفة ومراجعة

الموقف

  موضوع للنقاش شنوة موقفكم من دخلة الباك سبور؟  

راجل وإلا موش راجل

    المشهد الأوّل في عربة الميترو

   الميترو مليان اختلط فيه الحابل بالنابل يعني حمص وزبيب كتف هذا في ظهر الآخر ونفس هذا في شعرالأخرى ويد هذا تتردد في زيارة ساك الأخرى وهذا يحك في بطنو أو ما تحتها على كتف واد قاعد على كرسي أو أخرى وريحة باهية وريحة تقتل المهم ثمّة واحد محصور  في دروج باب من الجهة اللي ما تتحلش وزوز بنات وحدة ظهرها في صدرو كانت تتضيحك وهو وجهو أحمر تغتنم كل رجّة متاع الميترو باش تزيد تلصق ليه هو حليلتو لامحالة لكن ظاهر قالق ملوضعية اللي هو فيها وما عندو وين يتحرك هبط الدرجة متاع الباب  صاحبتها تغمز فيها وتضحك المهم يظهرو عاملين عليه جو.

المشهد الثاني في المحطة

هبط أنا والزوز بنات صدفة في نفس المحطة بعد ما غزرولو الزوز وفجأة طرشقو بالضحك وقالت اللي كانت لاصقة الراجل شخنا عليه يطيح سعدو كانو راجل ردّت عليها صاحبتها وهي تضحك شنوة راجل ظهر طافي رجال آخر زمان  طيح سعد الرجولية ردّت عليها الأخرى قالتلها أما بالرجولية دخلتو بعضو ههههههه

المشهد الثالث أنا وحدي نقول

فلان راجل وفلان موش راجل وبربي قُلّو يسترجل وبرجولية وكانك راجل ورجال آخر زمان وكلام رجال وتو هذي رجولية؟  قلّو يطلع راجل والرجال ما تجيب كان الرجال....

ظاهرلي كلمة يلزمها تحديد تو هذي رجولية وإلاّ موش رجولية؟

  

وين ماشيين9

     إذا كانت لك فكرة.

    القفافة: جيّدة وذاك بفضل  توجيهات من سيادته

    عمّار: إن لم تكن بنفسجيّة تُرحّل على متن 404

    المبيد الحشري الفايس بوكي ومن لفّ لفّهم: هل سميت باسم الله قبل عرضها حتى لا نفشفشك

    المبيد الحشري للخوانجية: أزل القناع إن كنت تضع واحدا وبعدها نقرّر

    جماعة البلوغوسفار: نحن مختلفون

    جماعة باب البحر:  نحن لا نصوت

    برهان بسيس: حزنا المراتب المتقدّمة في العالم في حرّية الرأي فإذا كانت لنا فإنّنا نعرفها وإن كانت ضدّنا  فذاك من نتائج تمسحك بأعتاب السفارات الأجنبية.

    حزب معارض: كم تساوي من مقاعد في البرلمان؟

    شاعر:  هل ستلقيها في أمسية شعرية؟ من الجهة المنظمة؟

    روائي: لن يقبلها جماعة الإيداع القانوني

   مسرحي: ستشطبها لجنة (التوجيه) المسرحي

    صحفي بودورو: هل فيها إثارة بحيث تزوّد الإشهار أمّا سمعة الآخرين وصحة الخبر فمسألة لا تكترث بها

    صحفي معارض1: ننشرها مع اقتناعنا أنّ هذا العدد سيجمع من الأكشاك

    صحفي معارض2: الفكرة صحيحة ولكن لدينا التزامات ولا نستطيع نشر الفكرة

    مدون مهاجر: سأنشر الرابط إن كتبتها أنت

    مواطن: أنت تفكر إذن فأنت مفقود

    البقية: دعك من الفكرة ألم تقرأ نص التهمة

    التهمة

   كنتُ أسيرُ مفـرداً

   أحمِـلُ أفكـاري معـي

   وَمَنطِقي وَمَسْمعي

   فازدَحَمـتْ

   مِن حَوْليَ الوجـوه

   قالَ لَهمْ زَعيمُهم: خُـذوه

   سألتُهُـمْ: ما تُهمتي؟

   فَقيلَ لي:

   تَجَمُّعٌ مشبــوه

الفيل بحاجة إلى فيلة

   

      تتالت في المدّة الأخيرة جرائم  حجب المدونات وصفحات الفايس بوك لسبب أو لآخر فمن متهم لأناس محسوبين على بلاد الفرح الدائم ينتمون إلى حيث جودة الحياة.. بلاد طقسها جميل تزقزق فيها العصافير تطرب قوما لا تسمع منهم إن سألتهم عن أحوالهم إلاّ  ça va  أو أناس يقتلون على الهوية بذلوا ما في  وسعهم ليحجبوا حسابا دليلهم في ذلك اسم حقيقي لصاحب الحساب أو اسم مستعار فذاك لا يهمّ مادام قانون الاختلاف والحوار الرصين البنّاء أمرين أقسم الجميع على وأدهما. كذا صار الأمر وعمّت المصيبة فما نجا   منتمٍ إلى النظام القائم ولا معارض ولا متحرّر أو متنوّر أو متطرّف أو حتى من يؤمن بعد الانحياز..

عمّت المصيبة فتعالت الأصوات المندّدة أو المستنكرة أو العقلانية أو المتطرفة أو حتى تلك التي قرّرت شحذ السكاكين لتجهّز "دخلة" بلغة جماعة كرة القدم تنصر فريقا على آخر... كذا صار الفضاء الافتراضي فضاء لتصفية حسابات بعيدة كلّ البعد عن الافتراضيّة. هنا انطلقت بعض الأصوات تدعو إلى التعقل والوقوف وقفة رجل واحد أمام ما يحدث وهنا كذلك وجد هؤلاء أنفسهم في مأزق حقيقي وقد ذكّرني سياق ما نعيشه بمسرحية للكاتب الرائع سعد الله ونوس وهي «الفيل يا ملك الزمان» نشرها منذ إحدى وأربعين سنة ، وتحكي قصة فيل جاء به الملك إلى المدينة، فخرب كلّ شيء، وهدم أكثر مما عُمّر، وانزعج منه الناس انزعاجا، وتملكتهم الحيرة وهم لا يدرون كيف يتصرّفون، حتى ظهر لهم رجل يدعى زكريا، وحثهم على إبلاغ شكواهم إلى الملك. وعندما وافقوه على ذلك وقرّروا أن يمرّوا من العزم إلى الفعل، أخذ يدربهم على كيفية الحديث في حضرة الملك، ومن ثم توزيع الأدوار. وكان دوره أن يبدأ بمقولة الفيل يا ملك الزمان، ثم يواصلون بأن يروي أحدهم تفاصيل المشكلة التي خلقها الفيل والمصائب التي تسبّب فيها. وعندما جلسوا إلى الملك دار الحوار التالي:

الملك: ماذا تريد الرعية من الملك؟

زكريا: الفيل يا ملك الزمان.

الملك: وما خبر الفيل؟

زكريا: الفيل يا ملك الزمان.

الملك: كاد صبري ينفد، ما خطب الفيل؟

التفت زكريا إلى الناس من حوله فإذا هم صم بكم لا ينطقون، وخاف زكريا أن يُقطع رأسه قال: الفيل بحاجة إلى فيلة تخفف وحدته وتنجب عشرات بل مئات الفيلة،

 الملك (مقهقها): كنت أقول دائما إنني محظوظ برعيتي.

وهذا زمن صرنا نعيشه صار فيه الصمت عن فيل سببا لفيلة وبشرى بزمن تكون فيه فيلة كثيرة فلتتناسل المصائب بفضل حكمة الصمت التي آمنّا بها.

  

ألف شكر

         

       ألف شكر

    ألف شكر "لأعضاء لجنة تحكيم" جائزة أبي القاسم الشابي       السنوية التي يرعاها البنك التونسي على عنايتها الموصولة        وإصرارها في أغلب الدورات على إسناد الجائزة(10آلاف      دينار) لغير المبدعين التونسيين. 

    طبعا لا نملك أن نقول إلاّ قنديل باب منارة ......  

    شكرا أستاذ عزالدين المدني على تشجيعك الأدب والأدباء في
  تونس

+++++++++++

     ألف شكر لعمّار 404 على حجبه مدوّنة أفكار ليلية لصاحبها      الدكتور طارق الكحلاوي للمرّة الثالثة خلال أسابيع قليلة. 

    طبعا  تسكير الجلغة ثمّ نتساءل ببراءة عن غياب الإبداع      في  تونس بعد ذلك 

     مع ذلك تدور كما قال ڤاليلي الإبداع موجود في تونس أحبّ      من أحبّ وكره من كره

++++++++++

     شكرا لبلدية تونس بعد أن قامت بتحويل مكتب المسرحي     المرحوم علي بن عياد... وهو الموجود قرب شباك التذاكر في    بناية المسرح البلدي على مستوى نهج اليونان إلى «وكالة المقابيض البلدية» أجل فعوض مكتب المرحوم على بن عيّاد أحد رواد المسرح التونسي الكبار توجد لوحة هي وكالة المقابيض        البلدية.

      ما أخشاه أن يتحوّل المسرح نفسه إلى فضاء لحجز  السيارات بعد أن يقوم الشنڤال بعمله خاصة أنّ موقع المسرح ملائم جدا

+++++++++++